Finnur og Hildur Ýr bætast í hóp eigenda Landslaga

birt 9. febrúar 2015

Tveir nýir eigendur, Finnur Beck hdl. og Hildur Ýr Viðarsdóttir hdl., hafa bæst í hóp eigenda á lögmannsstofunni Landslögum og tekur breytingin gildi frá og með síðustu áramótum.

Finnur Beck lauk lagaprófi frá Háskólanum í Reykjavík árið 2010 en hann hóf störf með námi á Landslögum árið 2009. Hann hlaut málflutningsréttindi fyrir héraðsdómi árið 2010 og er enn fremur með B.A. gráðu í stjórnmálafræði frá Háskóla Íslands. Eiginkona Finns er María Hrund Marinósdóttir, markaðsstjóri hjá VÍS og eiga þau þrjú börn. Samhliða lögmannsstörfum hefur Finnur sinnt stundakennslu í stjórnskipunarrétti við lagadeild Háskólans í Reykjavík

Hildur Ýr lauk fullnaðarprófi í lögfræði frá Háskóla Íslands árið 2008 og stundaði nám við lagadeild Háskólans í Uppsölum árið 2007. Hún hefur starfað á Landslögum frá árinu 2006, fyrst meðfram námi en svo sem fulltrúi frá 2008. Eiginmaður Hildar Ýrar er Kjartan Valur Þórðarson, framkvæmdastjóri Vergo ehf. og eiga þau tvö börn. Samhliða lögmannsstörfum hefur Hildur Ýr sinnt stundakennslu, m.a. í fasteignakauparétti við Lagadeild Háskóla Íslands auk þess að sinna kennslu á námskeiðum.

Landslög eiga rætur að rekja aftur til ársins 1971, eigendur eru 13 talsins og eru alls 21 lögfræðingur á stofunni, þar af 19 með lögmannsréttindi. Landslög veita jafnt einstaklingum og fyrirtækjum lögfræðiþjónustu á flestum sviðum lögfræði.

Landslög eru aðilar að Legal Netlink Alliance, alþjóðlegum samtökum meðalstórra lögfræðistofa, sem gerir Landslögum kleift að tryggja umbjóðendum sínum fyrsta flokks lögfræðiþjónustu utan landsteinanna.Two of Landslög’s attorneys, Finnur Beck and Hildur Ýr Viðarsdóttir, both District Court Attorneys, have joined as partners at Landslög effective as of January 1^st 2015.

Finnur Beck finished his law studies at the Reykjavik University in 2010 but he’s been with the firm since 2009. He was admitted to the Icelandic Bar Association in 2010. He also holds a B.A. degree in Political Science from the University of Iceland. Finnur is a father of three children and his wife is Maria Hrund Marinosdottir, chief of marketing for VIS, insurance company. Alongside his practice at Landslög Finnur has been part time involved at the Law Faculty of Reykjavik University where he teaches Constitutional Law.

Hildur Ýr graduated from the University of Iceland in 2008 and took part of her studies at Uppsala University in Sweden in 2007. She has been with Landslög since 2006. Her husband is Kjartan Valur Þórðarson, CEO of Vergo Ltd. and she is the mother of two. Hildur Ýr holds a part time position at the University of Iceland teaching Real-estate Transactions Law.

Landslög traces back to the year 1971 and employs 21 lawyers of which 13 are partners. The firm provides both individuals and companies with top level legal services.

Landslög are a partner to Legal Netlink Alliance, an international association of law firms that provides clients with attorneys for legal matters worldwide.